الاوراق والتوثيقات المطلوبة للتقديم في جامعات مصر الحكومية او الخاصة للطلبة بدول خارج مصر


بسم الله الرحمن الرحيم 

:خلينا نبدأ بالاوراق والتوثيقات المطلوبة للطلبة القادمين من دول الخليج

طبعا مع كل سنة  خلاص مع دخول الجامعات بنوثق الشهادات الي هنقدم بيها للجامعات الحكومية المصرية او الجامعات الخاصة المصرية طبعا الطلبة في دول الخليج مبيكنووش عارفين بالظبط هما المفروض يعملوا ايه وبيوثقوا الشهادات من هناك- وطبعا بتكون مكلفة لان كل واحد بيقول كلام مختلف فبيخافوا  ويقوموا موثقين كلوا انا هنا بحاول اصحح الموضوع ده كنوع من توفير مصاريف التوثيقات على الاهالي والطلبة تحديدا انا طالب من دولة الكويت فمريت بنفس الظروف 

:مبدئيا هنبدأ بالاوراق المطلوبة

  • statement of resultsاو  original شهادات البريتش كاونسل سواء كانت ال 
  • شهادة التسلسل الدراسي كاملة لحد الصف العاشر عادي لو 11 موجود برده عادي مش هتفرق ولازم تكون متوقعة بتوقيع مدير المدرسة وختم المدرسة
  • شهادة اللغة العربية والاسلاميات او التربية الدينية التابعة لوزارة التعليم الخاص طبعا ديه مش موجودة في كل الدول بس موجودة عندنا في الكويت 

:الخطوة الي جاية هتكون التوثيقات

:شهادة التسلسل الدراسي تتوثق بالترتيب كالأتي

1-وزارة التعليم الخاص

2-الخارجية التابعة للبلد الي انت فيها 

3- السفارة المصرية التابعة للدولة الي انت فيها

4-بعدين هتطلع على الخارجية المصرية بمصر مكتب التوثيقات اي كان منطقتك فين وهتطلب منهم توثيق الشهادة  وده هيكون ختم الجمهورية


:شهادة التربية الاسلامية واللغة العربية ان وجدت تتوثق بالترتيب كالأتي

1-وزارة التعليم الخاص

2-الخارجية التابعة للبلد الي انت فيها 

3- السفارة المصرية التابعة للدولة الي انت فيها

4-بعدين هتطلع على الخارجية المصرية  بمصر مكتب التوثيقات اي كان منطقتك فين وهتطلب منهم توثيق الشهادة  وده هيكون ختم الجمهورية


:  توثق بالترتيب كالأتيOriginal او STATEMENT OF RESULT شهادات البريتش كاونسل سواء كانت ال

1-  مفيش اي توثيقات هتعملها من البلد الي انت فيها  ايوة باكد تاني مفيش اي توثيقات محتاجها في الدولة الي انت فيها بس لازم تتأكد ان البريتش كاونسل الي طلعت  منه فيه ختم بتعهم من ورا وده عادة بتكون موجودة مش لازم تعملها بنفسك

2-Golden Stamp هتطلع بالشهادات على مصر  هتروح الاول البريتش كاونسل ايا كانت فين حسب منطقك هتطلب منهم يعملولك ال  

3-بعدين هتطلع على الخارجية المصرية مكتب التوثيقات اي كان منطقتك فين وهتطلب منهم توثيق الشهادة  وده هيكون ختم الجمهورية


 بكدة احنا هنكون خلصنا جميع التوثيقات المطلوبة للجامعات بمصر للشهادات للطلبة القادمين من دول  خليج